地舖客人最冇耐性，亦都係最容易被吸引過黎，把握黃金5秒鐘，令個客有興趣行入舖頭，你就係贏家。

 

​做地舖最緊要係咩？咪就係人流同埋唔好停市！ 我哋明白你嘅難處，主打「快、靚、正，唔阻你發達」。

極速完工： 可以做晚間施工或紅日趕工。

商業級手工：我哋團隊20年經驗，知商業場所要快同襟用。

持牌有保險： 正式註冊公司，有齊勞工保險，幫你做嘢做得安心又放心，唔會有手尾。

手尾企理： 每日完工都會執番乾淨，唔會留低垃圾阻你做生意，保證老闆返嚟乾乾淨淨。


 

工程目標：幫你賺多啲！

搶眼球、吸客： 外牆同招牌靚仔咗，自然多啲人望，多啲人想入嚟睇。

提升專業形象： 間舖企理、光鮮，客人都覺得你做嘢認真，信心大增。

襟用耐磨： 商業地方多人出入，我哋會用專業級嘅油漆，襟刮、易清潔，唔使下下翻新。


 

施工方案

我哋嘅做法好彈性，一切以「唔阻你做生意」為大前提

PlanA：晚間突擊隊
收舖就施工，開舖即收隊。

PlanB：分區作戰
如果間舖大啲，可以分開左右兩邊做。今日做左邊，圍封好晒；聽日做右邊。咁你起碼有半邊舖可以繼續招待客人。

 

服務承諾（我哋包啲乜？）

免費上門報價： 睇位、度尺、傾方案，全部免費，唔收錢。
專業選料建議： 根據你舖頭嘅性質（例如：餐廳要用防油污易潔漆，時裝店要靚色啞光漆），推薦最啱用嘅料。
傢俬保護： 全場用膠紙、帆布封好晒你啲貨品、陳設，確保一塵不染。
完工保養： 完工後有咩甩漏，一個電話，我哋即刻返嚟執靚佢。

​

 

新客陸續來，舊客返轉頭，毅時油漆 有辦法！

油漆翻新，唔止係「換色」，係幫你舖頭「改運」！

 

​用油漆帶動樓上舖嘅新鮮感，幫你留住啲客，做旺盤生意。

油漆翻新後有咩好處？為你間舖帶嚟啲乜？

1. 即刻 Upgrade 舖頭形象，變身「打卡熱點」

客人好容易視覺影響，舖頭必須要喺短時間內吸到個客過黎。 換上新淨、有格調嘅顏色，環境靚咗，客人想留耐啲，就多啲機會幫襯啦。甚至吸引佢哋影相打卡放上 IG，幫你免費宣傳！
風水佬都話，乾淨企理嘅環境先聚財。新油漆象徵新氣象，等間舖由內到外都精神晒，生意都順利啲。


2. 成本低、效益高嘅裝修翻新方案

平靚正，唔使大執，油漆翻新係最快、最平、最直接見效嘅方法！唔使投資大大舊錢，幾日就搞掂晒。想再快啲，可以唔鏟底，施工快，價錢最平。


3. 提升員工士氣  效率高

做嘢醒神，都要睇環境嘅。伙記聽話笑多啲，老闆順心，客人開心!

 

專業油漆工程團隊：幫你間舖換新 look！

我哋都做好多樓上舖、寫字樓、村屋油漆工程，絕對明白你嘅需求，手工都熟，有20年經驗，質素唔係講笑！

油漆工程服務承諾：

用料靚： 淨係用靚油，環保、無臭味，油完即刻可以開舖做生意！客人唔會hard feeling
手勢好： 師傅20年經驗老到，手工精細。如果唔鏟底，都盡量做好啲，keep多一日得一日
快靚正： 效率高，我地會優先為舖頭安排做油油，爭取早日搞好生意，減少阻礙你做生意嘅時間。

 

睇睇我地嘅地舖油漆工程，翻新咗油漆之後，老闆話心情好咗，生意有信心追返黎呀!!

 

唔好等喇！你間舖有潛力可以做得再好啲，打俾毅時油漆傾傾啦！

 

香港工程網客人享有特別優惠架！(最低消費$5000)

 

油油翻新，可能有較多人想知以下問題，等毅時油漆為大家解答啦～

 

2025油漆一尺幾錢?

毅時油漆為大家解答: 假設只係普通油油，香港油油價錢定為每呎$15 - $45，平均$35/呎 (2025年建議收費) 。

** 留意：價格會因偏遠地區、油漆材料質素、開夜、牆身損壞問題或任何特別情況而影響油漆工程收費，請以上門油漆工程報價為準。

 

油漆工程項目有邊啲做法同步驟?
 

油漆翻新工程做法一：直接翻油，唔鏟底 — 最快最平咁換隻色，想油漆工程平啲，唔搞咁多嘢。

步驟：
1. 業主執走屋內雜物
2. 油漆師傅做好屋內保護：用野遮好地板同傢俬。
3. 油漆師傅清潔牆身表面灰塵同鬆散嘅舊油漆碎。
4. 油漆師傅直接油新油，除非業主特別要求，否則正常至少要油兩層。


油漆翻新工程做法二：執灰翻油 — 局部修補瑕疵，性價比高，可以保留無問題冇問嘅牆身油漆

步驟：
1. 業主執走屋內雜物
2. 油漆師傅做好屋內保護：用野遮好地板同傢俬。
3. 油漆師傅清潔牆身表面灰塵同鬆散嘅舊油漆碎。
4. 局部批灰：專針對部分凹位同剝落嘅地方補灰。
5. 補完灰要打磨到平滑。
6. 上油：全面油底漆同面漆。


油漆翻新工程做法三：剷底批灰髹油 — 徹底翻新，根治問題，最襟用，用3、5年無問題。

步驟：
1. 業主執走屋內雜物
2. 油漆師傅做好屋內保護：用野遮好地板同傢俬。
3. 全面剷底：將所有舊有油漆同底灰剷到見晒石屎/英泥層。
4. 徹底清潔：掃走晒啲灰塵同垃圾。
5. 重新批灰：批新灰（通常兩至三層），每層乾咗都要打磨平滑。
6. 封底/防潮：油「司拿」（底漆）封實層灰同防潮。
7. 上油：油上面漆。

以上三種油漆翻新工程方法有咩好處同壞處? 作為業主有咩後果要知?

油漆工程做法一：直接翻油，唔鏟底 —  價錢最平，但係唔保得幾耐

(做法最快、價錢最低嘅選擇。亦都係買賣交樓嘅首選，俗稱：裝修化妝。)

直接翻油好處：銀碼最細，適合需要控制預算嘅業主；施工快，唔阻你生活；冇乜塵，清潔簡單

直接翻油壞處：好快打柴，新油好大機會黐唔實舊底，會見到剝落/起泡，凹凹突突唔好睇，好快又要重新翻新油漆


做法二：執灰翻油 (最常見，穩陣之選)

(呢個係最多人用嘅做法，性價比高，頭痛醫頭，腳痛醫腳嘅方案。)

執灰翻油好處：抵玩，搞得掂牆身基本嘅花痕崩位，靚咗、價錢合理咗；工程時間算快，唔阻太多日時間。

執灰翻油壞處：搞唔掂深層嘢，如果牆身本身有滲水、發霉或者空鼓，呢個做法治標唔治本；局部補灰位會同舊牆高低唔同，摸落唔順手；一樣有甩油風險。


做法三：剷底批灰髹油 (治標治本最佳方案)

剷底批灰髹油好處：效果最好，最襟用，一次過攪掂。

剷底批灰髹油壞處：三種方法佢最貴，工序最多，時間最長，沙塵最多，清潔成本高。